Ka District Commerce & Industries Centre

Ka Kyrteng ka Tnat: District Commerce & Industries Centre, East Jaintia Hills District, Khliehriat

Ka Address: Shadien ka Thanat Khliehriat,

Dkhiah East, East Jaintia Hills District, Khliehriat

Ka Email-ID: gmdcicejh@gmail.com

Ki Kyrdan Treikam

Shaphang ka Tnat

Ki mat treikam jong ka Tnat ki long ban pynthikna ki kakhana ki treikam kat kum ki kyndon, jingpynkyntiew bad jingpyni ia ki jingtrei jingktah kaba kynthup ia ka khaii pateng lyngba ka Industrial Policy bad ka jingpyntreikam ia ki skhim bapher bapher jong ka sorkar kaba kynthup ia ki scheme jong ka sorkar pdeng. Ka kamram ba nyngkong jong ka department ka dei ban pynbiang ia ki jingdonkam khnang ban kyntiew ia ka ioh ka kot ka jylla lyngba ki jingtrei ki kam lajong.

Ka Tnat ka dang trei ban pyrshang ban wanrah ia ka jingkyntiew jong ka Jylla kaba neh bad ban plie ki lad ban ioh kam ioh jam na ka bynta ki briew ka jylla Meghalaya. Ka iarap ruh ban ioh ka jingiakynduh hapdeng ki nongdie bad ki nongthied. Ha ka distrik ka iatrei lang bad ki DC&IC halor ka jingpyntreikam ia ki skhim bapher bapher bad ai jingkyrshan ne jingiarap ia ki karkhana rit bad baheh ruh.

Ka tnat ka pynlong ia ki awaresness programmes, workshop, Entrepreneurship Development programmes, Industrial Exhibition bad ka Apiculticulture mission da kaba iatrei lang bad kiwei ki Tnat. Ka Tnat ka poi sha ki jaka nongkyndong ruh ban kyntiew ia ki briew kiba sah sha ki jaka kyndong jong ka distrik lyngba ki training centre ha Khliehriat bad Mualsei da kaba ai jinghikai ia ki briew ban nang ban suh jain bad thain. Ka tnat ka ju phah ia ki briew ban ioh jinghikai sha ki jaka ba la ithuh da ka Sorkar bad ka ai bai bam (stipend) ruh ia ki khynnah ban leit pyntbit ialade lyngba ka Scheme Training hapoh bad habar ka Jylla.

Ki Skhim

Ka Ophis jong u General Manager, DC&IC, Khliehriat ka sdang treikam naduh u September, 2014 bad ki skhim bapher bapher ba pyntreikam naduh u snem 2014-2015 da kane ka ophis ki long:

1. Ban Registar ia ki Units: Ha Meghalaya ki Micro, Small bad Medium Enterprises (MSME) ki iarap bha ban plie lad bad ioh kam ioh jam ha ki jaka nongkyndong, ki iarap bad kyntiew ia ki jak ba sha kyndong ia ka Jylla (State) bad ka ri baroh kawei. Na ka bynta ban kyntiew ia ki MSME, ka Micro, Small and Medium Enterprise Development (MSMED) Act la pyntip ha u snem 2006 da ka sorkar India. Ka ai jingiarap, jingithuh bad jingsngewthuh shaphang ki “enterprise” kaba kynthup ia ki jingshna da ki kti ne kor. Katkum ka Act MSME, 2006, la khmih lynti ba baroh ki kharkhana kin register hapoh ka ophis District Commerce & Industries Centre jong ka District bad file Entrepreneurs Memorandum (EM) Part-I ban ioh sdang ia ka kam. lad ka jingtreikam ka la file ha EM Part-II ynda dep pynmih ia ki jingshna. Kumba long mynta ban file iaka Entrepreneur Memorandum la pynduh noh khnang ban suk ia kiba bun ban register. Ka Minitry jong ka MSME ka la pynmih ia ka Udyog Aadhaar bad ki scheme ba bunjait ka Sorkar Kmie. La pyntip ba ka UdyogAAdhaar (UA) la pynmih na ka bynta ki unit/karkhana ba dang treikam. Ia ka Udyog Aadhar Memorandum (UAM) lah ban pyndap online ba la shna da ka MSME i.e., https://udyogaadhaar.gov.in
2. Ka jingpyntreikam ia ka PMEGP scheme na ka bynta ki samla bym don kam don jam: Ka Tnat ka pyntreikam ia ka Prime Minister’s Employment Generation Programme (PMEGP) Scheme, Ka PMEGP ka dei ka subsidy programme, da kaba shim ram, ba la pynlong da kaba ia soh lang ki ar tylli ki scheme kiba treikam haduh 31.03.2008, kata ka Prime Minister’s Rojgar Yojana (PMRY) bad ka Rural Employment Generation Programme (REGP) ban pyniaid ia ki lad trei kam lyngba ka micro enterprises ha ki jaka nongkyndong bad sor. Ka PMEGP ka dei ka Central sector scheme ba la pyniaid da ka Ministry of Miscro, Small and Medium Enterprises (MoMSME).
3. Industrial Exhibition: Kane ka scheme ka dei shi bynta ban pynroi pynsan bad ka jingthmu ban pyni ia ki jingpynmih ne ki jingshna jong ki kharkhana ba na shnong na thaw, ba bun ki briew kim pat tip, bad ai jingiarap ban pynioh ia ka iew na ka bynta ki nongsengkam lajong, bad kumjuh ruh ka ai lad ban shim bynta ha ka Exhibition. Ka office ka pynlong ia ka Exhibition shi sien shi snem ban pyni bad pynpaw ia ki jingshna kiba ha rukom.
4. Master cartfsman Training Scheme: Kane ka scheme ka ai lad ia ki nongshong shnong hapoh ka Distrik ban pynmih bad pynneh ia la ka jong ka sap ha ka kam thain bad shna da ki seij ne skhen. Ka Tnat ka iarap ia ki master craftman ban pynthymmai ia ka sap bad ia ki tiar jingshna jong, bad ai jinghikai ia ki ban pyntbit shuh shuh ha ki thain thri thain siej jong ki khnang ba kin dup ioh kamai kham bun.
5. Training Inside and Outside: Hapoh kane ka scheme ki samla hapoh ka distrik bym pat donkam don jam ki shah pynshlur bad shah phah ban ioh jinghikai ban pyntbit ialade hapoh ki kharkhana hapoh ka jylla ba la register bad ka tnat lane shabar ka jylla halor ki kam bapher bapher khnang ba kin ioh kam ne seng kam lajong da ki la dep ka training. Ki unit ne karkhana ba ai training ki dei ba la jied da ka ophis bad kiba sha peit bniah da ka ophis. Ia kine ki unit ne kharkhana la pynshlur ban pyntbit shuh shuh bad ba ki pynmih ki tiar ba paka bad ba biang bha ba lah ban ia nujor bad kiba na kiwei ki jaka.
6. Awareness and Entrepreneurship Development Programme: Na ka bynta ban pynshai bad pyntip ia ki briew jong ka distrik halor ka jingdonkam ban seng ki kam lajong ban ioh ka kamai kajih ka tnat ka ju pynlong ki Prokram kum ki Entrepreneurship Managment Programme, Entrepreneurship Development, Awareness Programme, jingleit sha ki karkhana bapher hapoh a jylla bad shabar ka jylla bad ki seminar.
7. Departmental Training Centres: Na ka bynta ban pyndap ia ki jingdonkam ia ki briew ba tbit ha ki kam bapher bapher bad ban pyntbit ia ki briew ban trei ha ki kam lajong ka tnat ka pyniaid ia ki training centre na ka bynta ki kynthei, ba hapdeng ka 18-27 snem ka rta bad kba la dep pule klas VIII, ban ioh jinghikai ha ka suh jain bad ban thain ha ki ar tylli ik training centre, ka Tailoringm Knitting & Embroidery Training Centre, Khliehriat bad Knitting Training Centre, Mualsei.