Ka Tnat Jingkoit Jingkhiah

Ki Kyrdan Treikam:

Shaphang ka Tnat

Ka office jong ka District Medical & Health Officer, East Jaintia Hills District, Khliehriat lah pynmih ha u snem October 2013. Ka East Jaintia Hills District ka lah mih na ka jingphiah ia ka Jaintia Hills District ha ka 31st tarik u bnai July 2012. Khliehriat bad Saipung Block ki dei ki ar tylli ki community bad rural development (C&RD) block hapoh ka district. Ki don haduh ar tylli ki Community Health Centre (CHC), hynriew tylli ki Primary Health Centre (PHC) bad laiphew san tylli ki Sub-Centre (SC) hapoh ka district.

Ka department ka ai ia ka jingshakri ne jingiarap ia ki paidbah na ka liang ka koit ka khiah ban iada na ki jingpang bad pynmih ruh ia ki program jong ka health kum ki National Disease Control bad ki Eradication program, Control of Communicable bad Non-Communicable Disease na ka bynta ban ai jingtip lem ia ki paidbah shaphang ka jingmyntoi ba kin sa ioh lada ki buh ka koit ka khiah jong ka met hakhmat duh.

Ki Skhim jong ka Tnat

A. National Health Mission (NHM)

Ka National Health Mission lah pynmih da ka sorkar jong ka ri India ha u snem 2013 ba kynthup lang ia ka Natural Rural Health Mission (ba sdang ha ka 5th tarik u bnai April 2005) bad ka National Urban Health Mission.

Ka Jingiohi Jngai lane ka ka Jingthmu jong ka NHM

“Ban ioh kajuh ka jingshakri kaba bym don jingiapher na ka liang ka koit ka khiah, ka jingduna jinglut bad ka jingioh jingsumar kaba janai, ka jingkitkhlieh bad ka jingshakri ne jingiarap na ka bynta ka jingdonkam jong ki paidbah, ba kynthup lang bad ka jing don lang kiwei ban ai jingiada ne jingiarap ia u paidbah na ka liang ka koit ka khiah na ki jingpang”.

Ki mat ba kongsan jong ka NHM ki long kumne harum:

• Ban pynduna ia ka Maternal Mortality Ratio (MMR) haduh 1/1000 live births (ka jingiap longkmie)
• Ban pynduna ka Infant Mortality Rate (IMR) haduh 25/1000 live births (ka jingiap khyllung)
• Ban pynduna ka Total Fertility Rate (TFR) haduh 2.1 (ka jingkha khyllung)
• Ban iada bad pynduna ia ka anaemia (jingpang duna snam) ha ki kynthei ba naduh 15-49 snem ka rta
• Ban iada bad pynduna ia ka jingiap na ki jingpang ba iabit bad ki jingpang bym iabit, jingmynsaw, bad ki jingpang ba mih thymmai
• Ban pynduna ia ka jinglut jong ki longiing longsem na ka bynta ban ioh jingsumar
• Ban pynduna ka jing iap na u jingpang TB
• Ban pynduna ne pynduh noh ka jingdon jong ka jingpang nianglyngkut lane Leprosy
• Ban pynduna ia ka jingdon jingpang Malaria (khie shohrih)

Ka jingpyniaid ia ka program NHM ka long kumne harum:

1. NHM Finance: Ka Financial Management Group (FMG) ba trei hapoh ka NHM Finance Division jong ka Ministry of Health & Family Welfare ka peit na ka liang ka planning, ban shna ka mang tyngka, ban peit ia ka financial report, ki internal audit, external audit (ka jingwad bniah), ka jingdonkam ki tiar ki tar, ban ai fund bad ban peit bniah ia ki jinglut jingsep jong baroh ki programme.
2. Health Systems Strengthening: Ban pyntrei katkum ka Indian Public Health Standards, Quality standards bad Standard Treatment Protocols, ka Rogi Kalyan Samiti (RKS) bad ki untied fund ban pynbha ia ka Program. Ka Health Systems Strengthening (HSS) ka kynthup ia ka National Ambulance Service (NAS), Mobile Medical Units (MMUs), Infrastructure, Human Resource, Free Drugs bad Diagnostics Service Initiative, Comprehensive Primary health care, Tribal Health, Blood services, Public Private Partnership, Biomedical Equipment Management bad ka Maintenance Program, bad ka District Hospital Strengthening.
3. Reproductive, Maternal, Newborn, Child and Adolescent Health (RMNCH+A): Ka sorkar jong ka India lah pyntrei kam ia ka Reproductive, Maternal, Newborn, Child and Adolescent Health (RMNCH+A) ha u snem 2013 ban peit bad ban bah khlieh ban ai ia ka jingsumar na ka bynta ka koit ka khiah jong ki longkmie bad ki khynnah. Ki program ba hap hapoh kane ki long kum ka Janani Suraksha Yojana (JSY), Janani Shishu Suraksha Karyakram (JSSK), Pradhan Mantri Surakshit Matritva Abhiyan (PMSMA), Home-based Newborn Care (HBNC), Rashtriya Bal Swasthya Karyakram (RBSK), Rashtriya Kishor Swasthya Karyakram (RKSK), Weekly Iron Folic Acid Supplementation (WIFS) Programme, National Deworming Day (NDD), Newborn Health, Infant and Young Child Feeding (IYCF) practices, Intensified Diarrhoea Control Fortnight (IDCF), Routine Immunization bad ka Pulse Polio Programme hapoh ka Immunization Programme, bad ka Family Planning. Ki wei pat ki program ban peit bad ban ai jingiarap ia ka shnong ka thaw jong ki paidbah na ka liang ka koit ka khiah hapoh ka NHM ki long kum ka Community Action for Health (CAH), Village Health Sanitation & Nutrition Committee (VHSNC), Accredited Social Health Activist (ASHA) programme bad ka Village Health and Nutrition Day (VHND).
4. National Disease Control Programmes (NDCPs): Ki kynthup ia baroh ki Vertical Programmes hapoh ka NHM kum ka Non-Communicable Disease Control Programme, National Iodine Deficiency Disorders Control Programme, National Vector Borne Disease Control Programme, Revised National Tuberculosis Control Programme, National Programme for Control of Blindness (NPCB), National Leprosy Eradication Programme, Integrated Disease Surveillance Programme, National Mental Health Programme, bad ka Programme for Prevention & Management of Burn Injuries (NPPMBI).

N.B. Official Website jong ka NHM: http://nhm.gov.in

B. Ayushman Bharat – Pradhan Mantri Jan Arogya Yojana (AB-PMJAY) and Megha Health Insurance Scheme (MHIS) Phase IV

Ka Ayushman Bharat – Pradhan Mantri Jan Arogya Yojana (AB-PMJAY) ka dei ka central skhim ba lah pynmih ha u snem 2018, hapoh ka Ayushman Bharat Mission jong ka MoHFW na ka bynta ka New India 2022. Kane ka skhim ka don ia ka jingthmu ban iarap ia ki paidbah ha ka liang ka koit ka khiah. Kane ka skhim ka hap hapoh ar tylli ki bynta kum ka, Health and Wellness centre bad ka National Health Protection Scheme (NHPS).

Ka Ayushman Bharat – National Health Protection Scheme kan ai jingmyntoi ia kumba 10.74 crore ngut ki briew ba duk bad ia ki longiing longsem ba donkam ia ka jingkyrshan (kumba 50 crore ngut) ban ioh jingiarap haduh Rs. 5,00,000/- kawei ka longing ha ka shisnem. Kane ka skhim ka dei ka cashless skhim ba pynmih da ka sorkar pdeng ba lah ban ioh na ki hospital sorkar bad ha ki hospital private ba lah ioh jingithuh na ka sorkar. Lah shim ia ka data jong ki briew ba don ha ki shnong nongkyndong bad ki sor hapoh ka ri India na ka Socio-Economic Caste Census (SECC) database.

Ka Ayushman Bharat – Pradhan Mantri Jan Arogya Yojana (AB-PMJAY) lah pyniasoh lang bad ka Megha Health Insurance Scheme (MHIS) Phase IV ka ba lah sdang ha ka 20th tarik u bnai December 2018 hapoh ka jylla Meghalaya. Hapoh ka MHIS Phase IV, ka sorkar jylla ka don ia ka jingthmu ban pynthikna ba kumba 8.8 lakh tylli ki longiing longsem ha ka jylla baroh kawei ba kin ioh ia ki jingmyntoi lyngba kane ka skhim.

N.B. Official Website jong ka MHIS:https://mhis.org.in

         Official Website jong ka PMJAY:https://www.pmjay.gov.in

C. PRADHAN MANTRI MATRU VANDANA YOJANA (PMMVY)

Ka dei kaei?

• Ka dei ka skhim ai jingiarap iaki longkmie kiba 19 snem shaneng ka rta kiba dang pun/aibuin lane kha ia I khun nyngkong ha kino kino ki hospital sorkar/hospital shimet.

Ka jingthmu?

• Ka jingiarap pisa kan kyntiew ia ki lad pynsngewthuh iaka jingdonkam ka koit ka khiah hapdeng ki longkmie ba armet bad kiba dang aibuin.

Ki Nongioh Jingmyntoi?

• Baroh ki longkmie ba armet bad ba dang aibuin, ki bym trei sorkar (Sorkar India/Sorkar Jylla) kiba pun ia I khun ba nyngkong ha lane shwa ka 01.01.2017.

Ki Jingmyntoi?

• Ka jinbgiarap pisa haduh T. 5000/- + T. 700/- Janani Suraksha Yojana (JSY).

Ki jingtip ba bniah ia ka bhah jingsiew ia ki nongioh myntoi.

Ia ki jingtip ba kham bniah iakynduh iaki ANM/ASHA lane leit mih sha ka district office jong ka PMMVY, DM&HO Khliehriat.

N.B.     Official website jong ka PMMVY: https://wcd.nic.in/schemes/pradhan-mantri-matru-vandana-yojana