Ka Tnat Pule Puthi
Shaphang ka Tnat
Ka Ophis jong ka District School Education Officer (DSEO) ka sdang naduh u snem 2013 hadien bala dep ioh district. I madam L. Rymbai, SDSEO i peit lang ia ka a East Jaintia Hills ka dei ka District kaba don ka Headquarter ha Khliehriat. La pyniakhlad ia ka Jaintia Hills District sha ka East bad West Jaintia ha ka 31 Naitung 2012.
Ka district ka don 2(ar) tylli ki Community & Rural Development Block, ka Wapung bad Saipung Block. Ka jing jrong ka surok hapoh ka jing peit jong ka Central Division of National Highway kaba 92 kms katba hapoh ka jing peit jong ka State Highways (NEC Division) ka dei kumba 513 kms. Ki mar poh khyndew kiba ka district ka riewspah ki dei u dewiong, mawshun bad kiwei kiwei de, don ruh 12(khatar) tylli ki cement plants ha ka district.
Office jong ka DSEO ha ka juh ka por tang ba haduh 94% ki kam jong ka Ophis la iarap ban trei da ki staff jong ka DSEO Jowai. Ha u snem 2015 ka DSC kala pynioh ia u wei u staff ha ka post DEO. Dei tang u ne u wei u staff jong ka Office ba la trei bor bah, trei shitom, tei minot khnang ban lah ban pyndep ia ki kam jong ka Office rynkat bad i incharge DSEO Jowai. Hadein ka DSC kala pynioh sa u wei u LDA bad kawei ka Peon. Ha u snem 2017-2018 une hi u juh u DEO la phah ban iarap ban pyndep bad sdang ia ki kam ka RMSA Scheme hapoh ka District hapoh ka jing peit jong ka District Project Coordinator. Dang shen la ioh ia i staff ban trei full time hapoh ka Ophis District Project Coordinator jong ka RMSA.
Naduh u snem 2013 haduh 2016 la don 39(laiphew khyndai) tylli ki Secondary Skul kynthup ka Government bad ki RMSA Secondary Skul. Naduh u snem 2016 haduh 2018 la lah ban pynioh haduh 18(khatphra) tylli ki Secondary Skul bad 4(saw) tylli ki Higher Secondary Skul ha ka district.
Ka Ophis jong ka DSEO man la u snem ka pyllong ia ka District Science Exhibition bad ka Science Seminar, naduh u snem 2016 haduh 2018 la man u snem ki skul napoh kane ka district ki la shah jied ban leit ia aireng sha State Level bad ruh shaduh National Level Competition.
Ka District ka ai Award mala u snem ia ki Nonghika bad ruh ia ki Scout Master bad Guide Captain. Ngi na ka Ophis ngi sngew kmen shibun ba ha u snem 2016-17 ladon iwei i nonghikai na kane ka district bala ioh pdiang ia ka National Award jong ki Nonghikai.