Ka rukom pyniaid ha ka por shem lanot

Ha ki jingjia jong ki jingjynjar ba wanrah ia ka jingjot bad jingduh ha ka Distrik, ka Distrik Management Plan ka long kaba lah ban peit thuh ban pyniaid beit ia ki kam. Ka shim ka bynta kaba kongsan ban ai buit ban pyniaid kam ha kum kine ki por shem lanot ha ka Distrik. Ia kane ka plan la seng nongrim ha ka jingkdew jong ka National Disaster Management Authority (NDMA) ka ban pynlong ia ka Distrik ban iohi shai ia ki jingduna ha kum kine ki jingia ba lah ju jia teng khnang ban lah ban pynbiang bha lada jia biang kum kine kiei kiei. Kan pyni shai ruh ia ki jingbit jingbiang bad ki jingduna bad ruh ia ki bynta ba don ha ka jinglong jingman kaba shong syier. Ka jingthmu jong kane ka plan ka long ban don ka jingai khubor bad jing iaid kam ba beit hapdeng baroh ki tnad sorkar, ka im lang ka sah lang, kiba trei da ka mon sngewbha, ki kynhun bapher bapher bad ki seng bhalang khnang ban ioh ban pyndonkam pura ia ki jingiarap ban pynduna ia ka jingduh noh ki jingim bad ki ïng ki sem ban wanlam biang ia kaba ju long, stet katba lah.

Ka Distrik Management Plan ka kynthup lang ia ki mat ba kongsan kum ka Incident Response System (IRS), ka India Disaster Resource Network (IDRN) ha ka jingpyniaid kam ha ki jingjia shem lanot. Ki doctor, ki ophisar ki tnad sorkar, ki kali kit nongpang, ki jaka ai jingsumar, ki jaka ai dawai, bad ter ter lah jer lut ha kane ka plan.

 

Ban pule kham bniah shaphang ka Disaster Management jong ka Distrik East Jaintia Hills (ha ka ktieng phareng), sngewbha pule hangne Disaster Management Plan 2018