Ki jaidbynriew Jaintia ki long ki ba riewspah ha ka rukom im rukom khein u mynbarim. Ka rukom im jong ki ka pynpaw shai ia ka dustur, ka tem ka put, ka shad, ka jingnang ban oh dur, ka thain ka teh, jong ki jaidbynriew Jaintia. Ki long ki ba la pawnam bha ha ka thain kriah thain shang, ka oh dur na ki dieng ki siej. Ki long ruh ki ba la pawnam bha ha ka ba thain shylliah and thain ryndia, bad ha kaba shna ia ki tiar tem tiar put, ha kaba shna ksiar bad jingdeng, bad jingthain na ki ksai sohtrun.
Ka rukom bam rukom dih
Ki briew ba shong ba sah ha ka distrik ki im ka jingim ba shi sur. Ka ja ka long ka jingbam ba kham bam bha ki briew. Ki ju bam ruh ia ka doh bad ki jhur bapher bapher ba ioh na ki khlaw ki btap kum u tit, tyrki, u lung siej, tyrkhang bad ter ter, nalor kita ki ju bam ruh ia ki jhur ba ju ioh ha iew ha hat.
Ka riam ka beit
Ka riam phong ki briew ka kythup ia ki ryndia stem, thoh saru, khyrwang, sapjat, kein shrooh lane kyrshah bad ter ter, na ka bynta ki kyhthei bad ka iuslein pyniein, iuspong, ryndia tlem bad ter ter, na ka bynta ki shynrang. Ki jingdeng ba deng ki kynthei bad shynrang ha ki tamasa lehkmen ki kynthup ia u paila, khoila, khadu bad ter ter.
Ka Jingtem Jingput
Ki briew jong ka distrik ki ju sngewtynnad bha ia ka tem ka put. Na ka jingtem, ki jaitbynriew ‘Pnar’ ki lah ban pyni bad iaroh sngewbha ia ki lum ki wah, ki them ki madan bad ter ter. Ki tiar put tiar tem u mynbarim ki kynthup ia ka ramynthei, duitara, ksing lane nakra, ramynken, shawiang, tangmuri bad ter ter.
Ki Tamasa Lehkmen
Ki tamasa lehkmen u mynbarim kiba ki dang don haduh mynta ki kynthub ia ka Behdienkhlam (Tuber), Chad Shukra, Chad Pastieh, Shad Ramynthei lane Shad Khla (larain) bad ter ter, jong ki ‘Pnar’. Ka Nulding Kut ka dei ka tamasa ba ju lehkmen ki jaitbynriew ‘Biate’ ha Saipung ha ka 11 tarik u Kyllalyngkot, man la ka snem. Ki tamasa ba ju lehkmen ki jaitbynriew ‘Hmar’ ki kynthub ia ka Butukhuonglawm, Lunglak bad Sesun.