Ka Tnat Tourism

Ka Address jong ka Tnat: Near Deputy Commissioner(Supply) Office, Khliehriat – 793200

Ka Email ID: tickh.ejh-meg@gov.in

Ki Kyrdan Jingtrei

Shaphang ka Tnat

Ka kam jngoh kai pyrthei ka wan paw kum kawei naki kam lane jingtrei jingktah (industries) kaba roi sted bha haka pyrthei. Ka Jylla Meghalaya ka long kawei naki Jylla kaba kongsan eh haka jing jngohkai pyrthei. Ka jingjngoh kai pyrthei ha Meghalaya ka kynthup kum ka jingiaidkai sha tynrai mariang (Eco-Tourism), ka kam jngohkai pyrthei (Adventure Tourism), ka jingiaid kai sha ki krem (Cave Tourism), ka jingiaid kai sngewbha (treks) bad kiwei kiwei. Ka Tnad jngohkai pyrthei (Tourism Department) ka shim iaka bynta kaba khraw ban pynkyntiew bad pynbha iaka jingiaid shaphrang jong ka kam jngohkai pyrthei hapoh ka jylla bad kumjuh ruh hapoh ki District. Kane ka tnad ka shim jingkhein ruh iaki nongwan iaidkai pyrthei kiba wan iuhkjat ha baroh ki jaka jngohkai kiba itynnad bad kiba pher bapher hapoh ka jylla. Ka long ka jingdonkam kaba khraw ban ithuh bad pynitynnad shuh shuh iaki jaka jngohkai pyrthei kiba thymmai. Ka donkam ruh ban shna pynthymmai bad pynbha pat iaki barim ha kaba iadei bad ki jingdonkam kum ki iingsah iaki nongjngoh kai pyrthei(Resorts) nangta ka jaka balah ban iohi lut iaki jingitynnad ka mariang, ki jaka iaidkjat bad kumjuh ruh ka donkam ban pyntip lane pynithuh iaki jaka jngohkai pyrthei lyngba ki kot khubor, ki television, ki social media bad kiwei kiwei.

Ka jingkyntiew iaka kam jngohkai pyrthei ka long kaba donkam bha bad ka long ruh ka kabu ban iarap ban pyniohkam ia kiba bun ki briew, ka iarap ban pynneh pynsah iaka mariang, ka long ruh ka lad ban pynroi iaka imlang sahlang bad ka pynkiew ruh iaka jingioh jingkot hapoh ka Jylla bad District hi baroh kawei.

Ka Skhim

Meghalaya Tourism Development and Investment Promotion Scheme 2012

Ka jingiarap pisa ka tnad jngoh kai pyrthei (Tourism Department) jong ka sorkar Meghalaya haka jingiadei bad ka jingshna iingsah (homestay) iaki nongjngoh kai pyrthei (tourist). Kiei kine ki Homestay?

Ki Homestay ki dei ki iingsah jong ki trai iing kiba ailad iaki nongjngoh kai ne kiwei ki briew ban wan sah haki iing jong ki da kaba shim daka baisah bad ai da ka bam mynstep (breakfast).

Lyngba ka Meghalaya Tourism Development and Investment Promotion Scheme, ka Tnat jngohkai Pyrthei (Tourism Department) jong ka Sorkar Meghalaya kan ai jingiarap ka long kumne:-

• Ka jingiarap pisa lyngba ka Subsidy kaba 30% haka jingshna iaki jaka sah kiba ym tam iaka 16 lak tyngka.
• Ka jingshna iaki jaka sah kiba dei ban ym tam iaka 4 (saw) kamra.
• Kawei kawei ka kamra ka dei ban ym duna iaka jingheh kaba 15 sqm.
• Ki kamra ki dei ban kynthup iaka kamra sum (bathroom) bad ki jaka buhjain (closet)
• Kiba kwah ban shim ia kane ka scheme ki hap ban kynshew kumba 2% haka jingshna iaka iingsah.

Kiba Long ban shim ia ka Skhim:

• Kiba don jingthmu ban shim ki dei ban long ki trai jaka ne ki trai iing kiba don ki kot ki sla kiba biang.
• Kiba ka Bank ka lah bad kloi ban airam nalor ka Subsidy ba 30% ba la ai naka tnat Sorkar.
• Ka jingpynbiang iaki kot ki sla kiba biang (documents) haka jingiadei bad ka jing ai subsidy bad ram ban shna iaki iingsah.
• Dei ban pyndep iaka jingshna hapoh khad ar (12) bnai.
• Haka jingshna iaka iing dei ban shim iaka Minimum wage Policy ne ka jingai bainong kat kum ki ain ka Sorkar Meghalaya.

Ki kot ki sla ban pynbiang:

• Ki card ne ki kot ban pynithuh ia u/ka nong applai iaka skhim.
• Ki kot kiba iadei bad ka jinglong trai iaka jaka.
• Affidavit ba pyni haka Format II
• Ka Application Form bad Brouchers ba la siew kat kumba la buh daka Department. Ka dor ka dei 5000/- (san hajar) tyngka kawei ka Form.
• Ka Detailed Project Report bad ka plan haka jingiadei bad ka jingshna iaka iing ka ban ai sha ki bank ba kloi ban ai iaka ram kynthup iaka report ba pyni iaka jinglong ban shna ia kiba kum kine ki iingsah.
• Ka map ba pyni iaka jingdon ka jaka.
• Iaka jingtip ba kham bniah lah ban ioh naka website jong ka tnat Tourism ha www.megtourism.gov.in.