Ka Tnat Housing

Ka Address jong ka Tnat: Hajan Deputy Commissioner(Supply), Khliehriat

Ki Kyrdan Treikam

Shaphang ka Tnat

Ka jingthmu jong ka ophis u Deputy Commissioner(Housing) ka dei ban pyntreikam ia ki skim jong ka Housing Department ba la wanrah da ka sorkar Meghalaya naduh ka snem 1975.Na ka bynta kane ka jingtmu,ka ophis jong u Director ka la shna ia ki ain ki kyndon kumno ban pynwandur bad ai jingkhein jingdiah antad(estimate) ia ka rukom shna kine ki ing baduk bad ban pyntreikam ia ka.naduh u snem 1989-1990 la sdang ban ai ram(loan) sha ki riew shimet na ka bynta ban shna kine ki ing shong ha ki Loan Scheme bapher bapher ba la ai da ka Meghalaya State Housing Board da ka ram ba la shim kylliang na ka HUDCO,etc.Hynrei naduh u snem 2000 la pynsangeh shuwa shipor ia kane ka skim da ka sorkar na ka daw jong ka jingbym siew thikna ki nongioh myntoi.

Ka jingthmu jong ka Department ka dei ban ai/pynbiang ing sah sha kito kiba donkam bad khamtam eh ban pynbha ia ki ing ki sem jong ki khnang ban long kiba skhem bad kiba neh.

Ki longing kiba khlem ingsah hapoh jong ka District ki duna bha ,hynrei kiba bun ki ing khamtam ha ki nongkyndong ki long kiba shu shna da ki siej/shken bad sop da u phlang bad ruh da ki tin sop ing kiba tad dor bad na kane ka daw donkam ban maramot ia ki man ka por.Kumta ka Department ka shim jingkitkhlieh ban pynbha ia ki ing shong kiba la don lypa ha ki nongkyndong da kaba pynioh ha kiba duk da ka Grant tin sop ing kaba long 3(lai) song ki tin Aluminium ba jrong 8(phra) phut sha ki nongioh myntoi.

Ki Skhim

Ka Housing Department ka pyntreikam ia ka skim(Scheme)ba la tip kum ka Chief Minister’s Housing Assistance Programme(CMHAP).Ka skim ka kynthup ha ki ar bynta:-

1. Ban pynioh tin sop ing ki baneh(Aluminium Sheet) ia ki long ing kaba duna bha ka Jingioh(Economically Weaker Section) ha kaba ka jingioh ba shisnem ka long hapoh ka shi lak tyngka,yn pynioh 3(lai) song ki tin aluminium ba jrong 8(phra) phut.
2. Ban pynioh ing shong ia ki long ing kiba duna jingioh(low income group)ki ba ioh ka jingioh ba shisnem ka long shi lak haduh ar lak tyngka.Ia kane yn ai ha ka rukom jingiarap pisa ba haduh ₹.75,000/-(Tyngka Hynniewphew san hajar);₹.23,000/-(Tyngka Arphew lai hajar) yn sei hi na ki nongioh myntoi bad ₹.1,32,000/-(Tyngka Shi lak Laiphewar hajar) kin hap ban wad ram na ki bank ne kiwei pat ki skim bad ka do ring ka dei ban long ₹.2,30,000/-(Tyngka Ar lak laiphew hajar) ryngkat ka jingheh kaba 19.20 meter sawdong ne 206.60 phut sawdong.

Ia ka skim la pyntreikam ha ki jaka sor bad nongkyndong.Ha ki jaka nongkyndong ia ka skim la pyntreikam lyngba ka Block Development Ophis jong ka Community & Rural Development Ophis ha ka jingiatreilang bad ka Block Level Housing Selection & Monitoring Committee(BLHSMC) ia kaba la thung da ka sorkar.Ha ki jaka sor ia ka skim la pyntrei kam da ka District Housing Ophis ryngkat ka jingiatreilang bad ka Urban Level Housing Selection & Monitoring Committee (ULHSMC) kaba la thung da ka sorkar.
Ki nongioh myntoi ba la shah jied ha ki jaka nongkyndong ki hap ban leit shim ia ki tin na ka Block Ophis bad ha ki jaka sor ia ki tin dei ban leit shim na ka kudam(godown)jong ka District Housing Ophis.
Katba ia ka thong(target) la buh da u Director ka Housing kaba long katkum ka bhah tyngka ba ju ioh man la u snem ,kumta ka thong na ka bynta u snem 2017-2018 ia ka Wapung Block ka long 517 tylli ki longing bad ia ka Saipung Block ka long 467 tylli ki longing.