Close

Ka Kshaid Moopun

Ka jingkdew lynti

Ka Rynsan peit dur

  • The Moopun Waterfalls
    Ka Kshaid Moopun
  • U Stone Bridge harum ka kshaid Moopun
    U Stone Bridge
  • U Stone Bridge harum ka kshaid Moopun
    U Stone Bridge

Ka kshaid Moopun ka don ha ka wah Umjhai kaba don ha ka shnong Mutong. Ka jngai kumba 10 km. na ka lad ban poi sha Kongong ha ka surok bah NH44 bad 25 km na Jowai bad na Khliehriat. Ka jngai tang 300m na ka surok PWD sha kliar ka kshaid Moopun. Ka shim por kumba 5 minit ban iaid na ka jaka ieng kali sha trai jong ka kshaid bad 3 minit ban iaid sha u Stone Bridge.

Ki khana tang ba mynbarim ki ong ba ka don ka jingiasnoh bad ka pung Umhang ba maian kaba don ha shnong Bataw kumba 30 Km na ka Head quarter jong ka distrik. Ka “Kyllang Le Iaw” (Water Goddess) ka la leit sha kshaid Moopun lyngba ka pung Umhang bad hangta ka la sum bad shongthait haduh lai sngi lai miet bad nangta ka lah sdang iaid shuh shuh. Kane ka kshaid Moopun ka don ka mariang ba itynnad da ki khlaw jyrngam bad u tiew rakot uba la jan duh jait, bad la don ruh ka jaka ban pynlong piicnic sngewbha.

Kane ka kshaid ba phyrnai ka kynjoh kumba 110 feet, ka iar kumba 50 feet bad ka tuid sha ka wah Myntdu ba pawnam ha Jaintia Hills.

Kawei kaba khring bha ia ki nong jngoh kai jong kane ka jaka u long u tiew rakot ba phylla bad itynnad bha ba mih napdeng u maw jong ka kshaid Moopun. Kane ka kshaid kaba khring jingmut ka long kaba lah ban poi na ka surok NH44 (Kongong Juntion) lyngba Pynthorsale bad Mukhaialong. Kadei kawei na ki jaka jngoh kai ba pawnaw na ka bynta ban bam lyer pyngngad bad pynthymmai bor ia u briew na ka rukom im kaba man la ka sngi. Ka long ka ban sah jingkynmaw ban leit sha kane ka kshaid Moopun.

Stone Bridge:

Ha kliar ka kshaid Moopun u shong u maw baphylla uba ki khot ‘Stone Bridge’ ba pyniasnoh ia ki ar liang jong ka wah Umjhai kum ka jingkieng. Ka ktien Moopun ka long kum “Moo” kaba mut maw bad “Pun” kaba mut ban pyniasnoh. Ka jingmut ka long u maw ba pyniasnoh kumba ki ong ha ka ktien nongwei “Stone Bridge”. Ka Moopun ka don jing jrong kumba 33 Feet; 11 Feet ka jingiar bad 8 Feet jing jngai na ka um ha trai.

Natural Swimming Pool:

Ha trai une u Stone Bidge ka um ka hap na 20 feet bad ka lang kum ka pung ba lah ban jngi kai ki nong jngoh jaka. Kane a pung ba shongkun ka jrong kumba 75 feet bad iar kumba 50 feet. Ka long kaba pyngngad bha ban jngi ha kane ka pung.

Sa kawei kaba khring ia ki nong jngoh kai ka dei ka “Dem Khla” kaba jngai kumba 500 m na kshaid Moopun shapliang ka was Myntdu. Ka jingmut ka long “Dem” ban shong thait bad u khla. Te kumta ka long ka jaka ba ju shongthait ki khla. Hangta ruh lah ban jngoh kai ia ka jing itynnad jong ka wah Myntdu.
Ka por kaba kham biang tam ban leit sha kane ka jaka ka long ha ka por tlang, hynrei ka long kaba biang ban leit ha kiwei kiwei ki aiom.

Kumno ban poi :

Na suin

Ka kad lieng suiñ kaba jan tam ka don ha ka nongbah Shillong kaba la khot ia ka ka Umroi Airport. Ka long ka kad lieng suiñ kaba rit bad ka jngai kumba 97 km na Khliehriat, ka Head Quarter jong ka Distrik East Jaintia Hills. Ka don ruh ka kad lieng suiñ kaba heh ha Guwahati, ha ka jylla Assam kaba ki khot ka Lokpriya Gopinath Bordoloi International Airport. Ka jngai kumba 203 km na Khliehriat.

Da ka rel/train

Ka lain rel kaba jan tam kadei ka Guwahati Railway Station kaba don ha jylla Assam. Ka jngai kumba 182 km na ka Head Quarter jong ka Distrik East Jaintia Hills.

Da ka surok kali

Lah ban ioh taxi na Khliehriat kaba dei ka head quarter jong ka East Jaintia Hills District sha shnong Mutong. Ka jngai kumba 10 km. na ka lad ban poi sha Kongong ha ka surok bah NH44 bad 25 km na Jowai bad na Khliehriat. Ka jngai tang 300m na ka surok PWD sha kliar ka kshaid Moopun. Ka shim por kumba 5 minit ban iaid na ka jaka ieng kali sha trai jong ka kshaid bad 3 minit ban iaid sha u Stone Bridge.