Ka Kshaid Rynji

Ka kshaid Rynji ba itynnad ka don ha shnong Cham Cham bad ka jngai kumba 3 Km na shnong Mutong na shaphang shathie jong ka kshaid Moopun.

Ia kiba sngewtynnad mariang bad kiba ju iaid sha ki lum ki wah, ka kshaid Rynji ka long ka jaka kaba biang tam ia ki. Ki mawsiang bakhraw ba don sawdong kane ka skhaid ka pynpaw ia ka jingitynnad ba long hi. Ki don ki “stepping natural ponds” kiba long ki pung ba long hi halor kane ka kshaid ki pyni shuh shuh ia ka jing phylla kane ka jaka jngoh kai na ka bynta kito kiba sngewtynnad ia ka mariang bad ka long ruh kaba biang tam ban khwai dohkha. Ka kshaid Rynji ka don ki lynti dewbilat ban iaid briew bad nalor kata ruh ki jingkieng hapoh ka khlaw. Long ban wan jngoh kai ia kane ka kshaid ha baroh ki saw aiom.